| Ma's profileMan's blogPhotosBlogLists |  Tools  Help |
|
|
Man's blogJuly 10 一肚氣！話說我 7月4日 (星期六) 朝早幫屋企人申請特區護照，將份表格、身份證影印本、相片、費用o既支票投入o左元朗入境處辦事處o既投遽箱。根據入境處辦事處o既服務承諾，12/ 13 個工作天後，即7月21/22日可以領證。
直至尋日，即 7月9日 (星期四)，我o地仲未收到領證通知書，我就打去元朗入境處辦事處詢問，點知打極都淨係聽到呢段錄音: "歡迎致電元朗入境處辦事處，我o地暫時未能接聽你o既電話，請遲o的再打過o黎啦！如果關於特區護照o既申請，可以打去灣仔o既入境處辦事處"。於是我就打去問個申請o既進度。負責人邱生就話我 7月4日 (星期六) 交表，元朗o個邊應該寄出o左我o地o既申請，灣仔呢邊應該 7月6日 (星期一) 收到，但佢尋日 (7月9日) 搵o吾到我o地o既申請！佢幫我 check 埋 "退回信件" 都搵o吾到我o地o既申請。我今日，即 7月10日 (星期五)再打去灣仔跟進，依然話未收到我o地o既申請。負責人邱生叫我不如從頭申請過，但就要12/ 13 個工作天後，即7月27日，先可以領證！
我覺得好o吾 fair, 因為問題o吾係o係我o地o個度，而家又要我o地再申請過，又要推後我o地o羅護照o既時間，所以再打去元朗入境處辦事處問，點知打足一個鐘，都淨係聽返同一個錄音！我打返俾灣仔個負責人邱生，想問佢o羅元朗個直線，佢話佢都冇；佢解釋係政府資源o吾夠o既問題，o的 counter 都坐o吾晒人，所以冇人聽電話係正常！佢建議我 Fax 去問元朗……
當我發出 Fax 後一個鐘，元朗入境處辦事處主管黃生打電話俾我，話應該已經寄出o左我o既申請，灣仔o個面應該已經收到。但如果灣仔o個面今日都話未收到 (已隔5日)，佢叫我再申請過，但答案一樣，都係要7月27日先可以領證！我就解釋問題根本o吾o係我o地o個度，冇理由要我o地7月尾先可以領證，因為我o地等住用。佢即刻好緊張o甘話都o吾係佢o地o既問題，跟住就好快話 "大家都係想解決個問題"，所以佢今日會幫我跟進灣仔o個面，仲要強調呢個本來o吾係佢o既責任，係灣仔o個面o既。不過如果今日放工前灣仔o個面都話冇收到，我o地聽日要再申請過。
我最終好辛苦o甘同佢理論，要佢無論如何要o係 7月22日，即按照返我o地原本交表、而佢o地承諾個日期幫我o地出到，雖然佢仲夠膽話我 "o吾俾時間佢o地做o野"，但都口頭應承o左。唉，煩在屋企人聽日要特登請假去整…… June 25 老公生日見o的人o係 Open Rice 話 Mix & Match o吾錯，就 book o左張檯同老公慶祝生日
 。服務就
 /5, 價錢同味道就分別 ($3xx/2) 同 (見佢好用心做，不過味道真係麻麻).
大吃一驚！今朝見o的香蕉好熟，尋晚睇開心大發現話將佢o地分開擺會減慢佢o地熟o既速度，所以我分開一條條o甘放落冰箱，諗住可以襟擺o的……點知……
 真實顏色比相中仲要深；o的皮一 meet 就碎  June 18 我o既第一支洗面液！成廿年前，有一日有個女人上門 sell 護膚品，個 brand 係 Carnation。當時仲年幼o既我，得自己一個人o係屋企，竟然冇o的危險意識，開門俾佢入屋 (可能女人真係天生愛美，聽到話有效o既護膚品就失晒理智；o吾怪得o的人話女人錢係最易賺！)
入到屋後，我記得佢 sell 一隻蜜糖洗面，價錢係 $200 (而家仲歷歷在目！)，當時得 $10 一個禮拜零用錢o既我，呢個價錢簡直係天文數字！但試完後，我覺得塊面真係好爽，跟住猶疑o左好耐，就用鑰鎖開o左我個屋仔錢箱，俾錢買o左我第第一支o既護膚品！
o個刻覺得佢好冇人性，連細路女o既錢都 "握"。但講真，支o野真係好好用……今日無意o係網上見返佢，而個價錢只係貴o左o的o的 ($290)。
 依然係廿年前o既包裝！June 16 我係好老婆!老公今日出 trip 去上海，作為一個好老婆，我梗係好小心佢o既健康，幫佢增強免疫力！買齊口罩、酒精搓手液、水溶性維他命C丸、維他命C糖、Dried Berries (rich of VicC) and 潤喉糖 (因為佢過去要 train 班客，要不停講o野) 俾佢帶過去！
老公話食o吾晒o甘多維他命C, 不過o吾緊要，因為我已經問過醫生，多o左o既 VicC 會排出體外~  June 12 瑣事兩則June 05 Too late?!諗住八月頭去日本東北睇祭，四月已經開始 plan, 做晒 research, 但搵暈旅行社同上網 book 青森o既hotel, 都冇 vacancy. 最後 approach 埋o的 agent, 搵埋民宿，結果得到o既 reply 係: I can't find any hotel which is available! 好失望……
跟住諗住陪o下老公，六月尾去陽光與海灘o既地方。我揀o左沙巴有水上屋o既 Gayana Eco Resort, 環境超正，夠晒浪漫，又可以o玩o下浮潛，滿心歡喜諗住 book, 點知 Dragonair 班機 full 晒！ May 22 不一樣的星期五每個星期五係一個禮拜最忙o既一日，因為放o左工仲要去上堂，但今日係非一般o甘忙！
今日工作超過12個鐘，堂都冇時間去上，甚至晚飯都要o係巴士上面食。不過好彩有 McDonald's 薯條相伴，感覺十分良好  May 13 難以抗拒上幾個禮拜去o左福明堂腳底按摩，個女師傅話我個腳趾公舊骨有o的突出，開始變形，叫我要小心o的買鞋，o吾好買o的鞋頭o甘窄o既，如果o吾係情況會惡化，第日著鞋會好痛。返到屋企，我同自己講下次買鞋要理智o的，o吾好淨係貪靚，如果o吾係整衰o左對腳就一世o架喇。點知今日放工、o係冇老公o係我身邊提點我o既情況下就出o左事……
 未買過拖鞋款，本來都有o的驚會師奶 feel, 但著上去又令到對腳 (睇落去) 好修長  P.S. 本來仲睇中o左多兩對，不過由於今年o的鞋好貴，o吾可以買o甘多，所以就試都冇試佢o地lu...
 P.P.S. 好懷念同我個 shopping buddy 一齊行街o既日子，回想已經成十年冇一齊 shopping lu... May 01 死佬！ 同老公睇完"禮儀師之奏鳴曲",今日我攤o係張梳化度，佢無端端將我對手放o係個肚度，然後將我隻左腳放上隻右腳度，然後就哈哈大笑！根住我o地出街，佢俾件外套我著，又將件外套打開晒，攤出o黎……真係上晒腦！  April 28 太遲??返工實在太辛苦，老公同我都好想襯長假期遠離煩囂，到外地抖抖氣。o念住八月去日本東北睇o下祭、浸o下溫泉，點知今日打電話去旅行社，竟然話我知o個段時間o既所有行班都 full 晒！
莫非好似網上o的人講，要早半年 plan 晒o的o野?? 但今日o吾知聽日事……
青森Nebuta, 秋田竿燈節，秋田乳頭溫泉，o吾知何年何日先同你o地有緣見面喇~
    April 19 Oversized Burberry姑仔好有心，買o左件 Burberry tee、托奶奶o係英國 帶返o黎俾我，不過個 size 係 large, 個腰圍係 36"; 我深信 "人著衫、o吾係衫著人" 呢個道理，所以決定自行改細件 tee!
 Step 1:用畫粉畫低自己o既尺寸  Step 2: 改短對喇叭中長袖  Step 3: 對袖要預留 6'-1" o既紙口  Step 4: 剪o左o既部位要褶骨  Step 5: 車o左側邊先  Step 6: 轉彎位要提高個靴，較o岩角度先放返個靴再車  Step 7: o羅走衣車前面舊o野先車隻袖 Step 8: 跟住紙口位車隻袖  Step 9: 跟住原本件 tee 車兩行袖線  Step 10: 完成難度:
 / 時間: 30 mins (但由於我整完第一次o吾係o甘滿意，所以拆線再整過，total 用o左 2 hours!) April 15 十年回顧拍o左拖八年，2nd Anniversary 又過o左，o念返兩個o吾同性格o既人一齊走一段o甘長o既路已經o吾易，要維繫一段婚姻就要克服更加多o吾同o既考驗……如果外來仲俾o甘多壓力，呢段關系就會變得好脆弱…… April 14 4.14我同老公結o左婚兩年喇！今日係我o地結婚兩週年紀念日！老公話今晚 book 返大舞臺食飯，不過佢o吾知駛o吾駛 OT......
老公請o左兩個鐘頭假，我四點半就去到新浦崗同佢會合，跟住就去o左荷里活廣場元綠食個 tea. 食完同老公去 Biem 買o左兩條西褲，就向大舞臺出發！去到發現原來係晚市茶舞，茶錢 $30 each, 好貴！
 大舞臺裝修過，食具都o吾同o左  依然好靚！  兩邊冇o左o的玻璃房，大o左o的  叫o左三個食送 ($3xx)，食o左一半到已經飽到嘔 懷勉o左一輪，埋o左單，就善用埋第二個胃，落o左去滿記食甜品
  老公等食個樣  老公叫o既紅豆沙涼粉 ($17; 本來老公想加湯丸，不過個哥仔話一凍一熱o吾 suggest o甘食)  我叫o既榴槤布甸 ($21) - 超好食！  o黎返張合照  April 12 湊細路姑奶兩個仔o係澳洲o黎o左香港o玩幾個月，今日同佢o地去飲茶。大仔同我坐，所以我要照顧佢食o野、老公照顧佢去廁所。其實佢今日食o野都好叻，o吾駛特別處理過o的o野佢先食到 (相對上次一條菜都要剪成幾截佢先肯食
 )。但小朋友食o野o吾會好專心食，食一啖o野又o玩一陣，所以成個過程要不斷o念o吾同o既計仔叫佢食o野。好似要同佢鬥快、又同老公夾埋話o的o野好好食，等佢自己主動食、仲有因為佢今日o黎我o地度游水，所以提佢o吾食o野會冇力游、同埋o吾快o的食晒o的o野就冇時間游；總之……體力同腦力都 exhausted! 細仔  大仔游完水仲無限精力  o玩得幾開心！ 夜晚有得透o下，我同老公就去o左 Ebeneezer's 食o野。
 Mango Lassi & Sweet Shake  望住 open kitchen 等食  老公o既 Curry shrimps & chips  我o既墨西哥辣椒 pizza April 11 首次 BBQ!April 10 準備好喇！April 07 開始見效！仲記得我今年大計之一，就係要 stay healthy 嘛?
我自從大概一個月前，除o左有得飲阿媽湯水o既日子以外，就飲有機蔬菜湯包、同紅棗龍眼杞子水 (分別用兩個thermal flasks 焗；前者有排毒作用，後者可以補血)。仲有每日都盡量食一個生果。我亦都好 regularly o甘一個禮拜去 gym room 跑三次步 (每次半個鐘到)。雖然磅數冇變，但老公就話我散發住健康o既氣息！
 今朝跑跑o下，條頸有o的癢，我摸o下，原來我流汗喎！嘩，我不男女男都o吾識流汗，而家終於可以有效o甘散熱同排毒喇，yeah~~~~~ |
||||
前幾晚同老公睇 forum, 見到有個人o既 icon photo 係一杯好靚o既 Banana Split, 跟住老公就走o左去廚房，整o左個佢o既 version:
|
|
